கோமகன் செஃப் Chéf இன் பக்குவம்-பாகம் 04.

Crème brûlée - எரியூட்டிய கறமல் புடிங்.

நான் ஆரம்பகாலங்களில் உணவகத்தில் உதவி சமயல்காறராக வேலை செய்த பொழுது எனது செஃப் மூலம் கற்றுக் கொண்டது . இனிப்பு பதார்த்த வகையைச் சேர்ந்த இந்தப் பதார்த்தம் செய்வதற்கு மிகவும் இலகுவனது . சிறியவர் முதல் பெரியவர் வரை சாப்பிட்டதன் பின்பு விரும்பி இதைச் சாப்பிடுவார்கள் . 4 பேருக்குச் செய்ய,

தேவையானவை: 

மஞ்சள் முட்டைக் கரு 5.

சீனி 100 கிறாம் . 

100 வீதம் கிறீம் பால் 50 cl. 

வனிலா பிஃளேவர் 1 தேக்கரண்டி . 

பழுப்புச் சீனி ( மண்ணிற சீனி ) தேவையான அளவு . 

பக்குவம் : 

ஒரு பெரிய கிண்ணத்தில் முட்டை மஞ்சள்க் கருவையும் சீனியையும் நன்றாக நுரை வரும் வரை அடியுங்கள் . பின்பு பாலை சிறிது சிறிதாகக் கலக்கி நன்றாக அடியுங்கள் . வனிலா பிஃளேவர்ரையும் சேர்த்து நன்றாக அடியுங்கள் . வெதுப்பியில் (oven ) வைக்கக் கூடிய கிண்ணங்களில் அடித்த கறமல் புடிங் கலவையை ஊற்ருங்கள் . வெதுப்பியில் 100 பாகை சென்ரி கிறேட்டில் சிறிது நிமிடங்கள் வெதுப்பி சூடாக விடுங்கள் . பின்னர் கறமல் புடிங் கலவை ஊற்ரிய கிண்ணங்களை வெதுப்பியில் வைத்து ஒரு மணித்தியிலாம் வரை விடுங்கள் . இப்பொழுது கறமல் புடிங் தயார் . கறமல் புடிங் ஐ வெளியே எடுத்து ஓர் அகன்ற தட்டில் கிண்ணங்களை வைத்து குளிர் தண்ணீர் சுற்ரிவர ஊற்றி விடுங்கள் . சிறிது நேரத்தின் பின்னர் கறமல் புடிங் குளிர்ந்து விடும் . மேலும் கறமல் புடிங் ஐ குளிரப்பண்ண குளிரூட்டியில் ஏறத்தாள 2 மணித்தியாலங்கள் வைத்து விடுங்கள் . பளுப்புச் சீனியை கறமல் புடிங்கில் தூவி விட்டு , சிறிய காஸ் சுவாலாயால் சூடேற்றுங்கள் . பளுப்புச் சீனி உருகி மண்ணிறமாகப் படை போல வரும் . பின்பு சாப்பிடுங்கோ .( சிலிண்டருடன் கூடிய சிறிய காஸ் சுவாலை ) . 

படிமானம் :

மாலை வேளைகளில் இதைச் சாப்பிட்டுக் கொண்டு முகநூலை விடுப்புப் பாக்கலாம் . 

*** இதற்கு எனக்குச் சரியான தமிழ்ப் பெயர் தெரியவில்லை .

January 26, 2013