அறத்துப்பால்- இல்லறவியல் விருந்தோம்பல்- Cherishing Guests-L’hospitalité-81-90

இருந்தோம்பி இல்வாழ்வ தெல்லாம் விருந்தோம்பி

வேளாண்மை செய்தற் பொருட்டு. 81

மனைவியோடு வீட்டில் இருந்து பொருள்களைக் காப்பாற்றி வாழும் வாழ்க்கையெல்லாம் வந்த விருந்தினரை உபசரித்து அவர்களுக்கு உபகாரம் செய்வதற்காகத்தான் .

எனது கருத்து :

வீட்டில புருசனாய் இருக்கிறவன் நாலு பொருள் பண்டம் சேர்க்கவேணும் . அது கட்டாயம் செய்யவேணும் . அது ஏன் எண்டால் வாற விருந்தாளியளை வரவேற்று உபசரிக்கத் தான் .

All household cares and course of daily life have this in view.Guests to receive with courtesy, and kindly acts to do.

C’est pour bien accueillir les hôtes et leur être utiles, que l’on vit avec son épouse dans la maison familiale et que l’on converse les Biens.

விருந்து புறத்ததாத் தானுண்டல் சாவா

மருந்தெனினும் வேண்டற்பாற் றன்று. 82

ஒருவன் தான் உண்பது சாவாமைக்குக் காரணமாகிய அமிழ்தமேயானாலும் விருந்தினர் புறத்தே இருக்கத், தான் மட்டும் தனித்து உண்ணல் விரும்பத்தக்கது ஆகாது .

எனது கருத்து :

நீங்கள் வீட்டில நஞ்சைத் தான் தின்னுங்கோ . ஆனால் விருந்தளியள் இருக்கேக்கை , கூடவே கூடாது . அது நொட் நைஸ் .

Though food of immortality should crown the board, Feasting alone, the guests without unfed, is thing abhorred.

Goûter même le breuvage qui donne l’immortalité, en laissant les hôtes hors la maison est un acte indésirable.

வருவிருந்து வைகலும் ஓம்புவான் வாழ்க்கை

பருவந்து பாழ்படுதல் இன்று. 83

தன்பால் வந்த விருந்தினரை நாள்தோறும் போற்றி வருபவனது இல்வாழ்க்கை வறுமைத் துன்பதால் வருந்திக் கெடுவதே இல்லை.

எனது கருத்து :

இந்தக் குறள் எனக்கு கொஞ்சம் இடிக்குது விருந்தாளியளை கவனிக்கிறது சொந்த பந்தம் கூடும் எண்டு நல்ல விசையம் தான் . ஆனா , இது வள்ளுவற்றை காலத்திலை ஓக்கேயாய் இருக்கலாம் . இண்டையான் நிலமைல டெயிலி விருந்தாளிகளை கூப்பிடிறது எண்டால் எங்கை போக?

Each day he tends the coming guest with kindly care; Painless, unfailing plenty shall his household share.

Le chef de famille qui, honore tous les jours, les hôtes qui viennent à lui, ne souffre pas de la misère et ne se ruine pas.

அகனமர்ந்து செய்யாள் உறையும் முகனமர்ந்து

நல்விருந்து ஓம்புவான் இல். 84

நல்ல விருந்தினரை முகமலர்சியோடு போற்றுபவனது இல்லத்தில் திருமகள் மனம் மகிழ்ந்து வாழ்வாள்

எனது கருத்து :

நாங்கள் சிலபேற்ரை வீட்டை போனால் அவைன்ரை வாய்தான் சொல்லும் வாங்கோ எண்டு . ஆனா செய்கையள் , எப்பிடிக் காய்வெட்டாலாம் எண்டு தான் யோசிப்பினம் . நாங்கள் திரும்பிற நேரம் பாத்து முழைங்கையிலை பிடிப்பினம் நிண்டு சாப்பிட்டிட்டுப் போங்கோ எண்டு . ஆனால் அப்பிடி இல்லாமை உண்மையில வாற விருந்தாளையள நல்லா குளிரப் பண்ணி அனுப்பினால் , உங்கடை வீட்டில செல்வ லெட்சுமியக்கா சந்தோசமாய் குடியிருப்பாவாம் .

With smiling face he entertains each virtuous guest, 'Fortune' with gladsome mind shall in his dwelling rest.

La déesse (Latchoumi) habite avec plaisir la maison de celui qui accueille et honore avec la mine rejouie, les hôtes dignes.

வித்தும் இடல்வேண்டும் கொல்லோ விருந்தோம்பி

மிச்சில் மிசைவான் புலம். 85

விருந்தினரை முன்னர் உண்பித்து எஞ்சியதைப் பின்பு தான் உண்டு வாழ்பவனுடைய விளைநிலத்திற்கு வித்திடுதலும் வேண்டுமா ? வேண்டா தானே விளையும்

எனது கருத்து :

கிணத்தை இறைக்க இறைக்கத் தான் ஊறும் எண்டு சொல்லுவினம் எங்கடை பெரிசுகள் . அதைமாதிரித்தான் வாற விருந்தாளியளை உபசரிச்சு அவையை வயிறு குளிரப்பண்ணறதை தொடந்து செய்து கொண்டு வாங்கோ, உங்கடை வயல்லை விதைக்கத் தேள்வையில்லை, பயிர்பச்சை ஏதோ ஒரு வழியிலை தொடந்து வரும் எண்டு ஐயன் சொல்லுறார் .

Who first regales his guest, and then himself supplies,O'er all his fields, unsown, shall plenteous harvests rise.

Les champs de celui qui satisfait d’abord les hôtes et ne prend que la nourriture qui reste, ont-ils besoin d’être ensemencés.

செல்விருந்து ஓம்பி வருவிருந்து பார்த்திருப்பான்

நல்வருந்து வானத் தவர்க்கு. 86

இப்பிறவியில் தன்னிடம் வந்த விருந்தினரை உபசரித்து, மேலும் வரக்கூடிய விருந்தினரை எதிர்பாரத்திருப்பவன் மறுமையில் தேவனாய் வானுலகில் வாழும் தேவர்க்கும் நல்ல விருந்தினன் ஆவான் .

எனது கருத்து :

நீங்கள் இப்பிடியெல்லாம் ஒழுங்காய் நடந்து கொண்டு வந்தால் , உங்கடை மரணத்துக்குப் பின்னால தேவலோகத்தில நீங்கள் தான் வி ஐ பி எண்டு சொன்னாலும் , ஒருத்தன் உயிரோடை இருக்கேக்கை கிடக்காத அங்கீகாரமும் புகழும் அவன் செத்தாப் பிறகு தேவலோகத்தில கிடைச்சு என்ன பயன்?

The guest arrived he tends, the coming guest expects to see;To those in heavenly homes that dwell a welcome guest is he.

Celui qui, après avoir servi les hôtes qui sont arrivés, en attend d’autres pour manager avec eux, devient un hôte honorable pour les habitants du Ciel.

இனைத்துணைத் தென்பதொன் றில்லை விருந்தின்

துணைத்துணை வேள்விப் பயன். 87

விருந்தினைப் போற்றுதலால் உண்டாகும் வேள்வியின் பயன் ஓர் அளவினை உடையது அன்று. விருந்தினரின் தகுதிக்கு ஏற்ற அளவாக அமையும் .

எனது கருத்து :

வீட்டுக்கு வாறவை ஏழையோ பணக்காறனோ விருந்தாளி எண்டு வந்தால் , ஒரே அளவான விருந்தோம்பலைத் மனிசனாய் பிறந்தவன் செய்யவேணும் . ஆனால் ஐயன் தகுதிதராதரம் பாத்துசெய்தால் விருந்தோம்பலின்ரை பலன்களும் வேறுபடும் எண்டிறார் . சம்திங் றோங்........

To reckon up the fruit of kindly deeds were all in vain;Their worth is as the worth of guests you entertain.

Il n’y a pas de mesure pour évaluer le mérite de l’acte hospitalier. Seul l’honorabilité de l’hôte est la mesure du sacrifice.

பரிந்தோம்பிப் பற்றற்றேம் என்பர் விருந்தோம்பி

வேள்வி தலைப்படா தார். 88

விருந்தினரைப் போற்றி அவ்வேள்வியின் பயனை அடையாத அறிவில்லாதவர், பொருளை வீணே காத்து இழந்து ஆதரவற்ரவரானோம் என்று பின்னர் வருந்துவர் .

எனது கருத்து :

சிலபேரை பாத்தியள் எண்டால் பெரிய காசுக்காறராய் இருப்பினம். வைச்சிருந்தும் என்ன பிரையோசனம் ??? சாப்பிட்ட கையாலை காகம் கலைக்க மாட்டினம், அவ்வளவு ஈச்சாப்பியள் . இவையளை அறிவிலியள் எண்டும் பேந்து பின்னாலை கவலைப்படுவினம் எண்டு இவைக்கு ஒரு குட்டும் வைக்கிறார் .

With pain they guard their stores, yet 'All forlorn are we,' they'll cry,Who cherish not their guests, nor kindly help supply.

Ceux qui ne pratiquent pas l’hospitalité et ne savent pas gagner le mérite de ce sacrifice, se plaindront un jour d’avoir perdu la richesse qu’ils ont acquise et jalousement conservée.

உடைமையுள் இன்மை விருந்தோம்பல் ஓம்பா

மடமை மடவார்கண் உண்டு. 89

செல்வ நிலையிலும் வறுமை என்பது , விருந்தோம்பாத அறியாமையாகும் . அது அறிவுடையாரிடம் உண்டாகாது. அறிவிலிகளிடம் மட்டுமே உள்ளதாகும்.

எனது கருத்து :

நாங்கள் எங்கடை வாழ்க்கையில சிலபேரைப் பாத்திருப்பம் . நல்ல வசதியாய் இருப்பினம் . ஆனால் , நெடுக பஞ்சப்பாட்டுப் பாடிக்கொண்டிருப்பினம். எங்கை தங்களிட்டை ஐஞ்சைப் பத்தைக் கேட்டுப் போடுவினம் எண்டு .இவையள் மறந்தும் எங்களை தங்கடை வீட்டை கூப்பிட மாட்டினம். இப்பிடியான குணங்கள் மூடரிட்டை மட்டும் தான் இருக்குமாம்.

To turn from guests is penury, though worldly goods abound; 'Tis senseless folly, only with the senseless found.

Le malheur de ceux qui possèdent, c’est le sot dédain du devoir de l’hospitalité: et ce malheur est le lot des ignorants.

மோப்பக் குழையும் அனிச்சம் முகந்திரிந்து

நோக்கக் குநழ்யும் விருந்து. 90

அனிச்சமலர் நுகர்ந்தபொழுதே வாடிவிடும் . ஆனால் , விருந்தினர் முகம் மாறுபட்டுப் பார்க்கின்ற அளவிலேயே வாடி விடுவர்.

எனது கருத்து :

வீட்டுக்கு வாற விருந்தாளியளை நீங்கள் முழங்கையில பிடிச்சுக் கொண்டு அவையளை விருந்தோம்பல் செய்தியள் எண்டால் , அனிச்சம் பூ போல அவைன்ர முகம் வாடிப் போயிடும் எண்டு ஐயன் சொல்லுறார் .

The flower of 'Anicha' withers away, If you do but its fragrance inhale;If the face of the host cold welcome convey, The guest's heart within him will fail. 

La fleur ‘‘Anitsa’’ se flétrit lorsqu’on la sent. Ainsi le visage des hôtes pâlit, lorsqu’on les regarde d’un regard farouche.